Veseli: Jam i tronditur me gënjeshtrat e Kurtit në lidhje me SHBA-të

Kryetari i Partisë Demokratike të Kosovës Kadri Veseli ka reaguar ndaj Kryeministrit Albin Kurti.

Sipas tij, Albin Kurti edhe sonte u denoncua nga Ambasadori Richard Grenell se ka gënjyer për përmbajtjen e telefonatës me zyrtarët amerikanë të Shtëpisë së Bardhë, transmeton Klan Kosova.

Nëpërmjet një shkrimi në Twitter, Veseli ka thënë se ndihet i tronditur që Kryeministri i Kosovës po jep informacione të rreme për seriozitetin e synimeve të SHBA-së.

“Jam i tronditur që Kryeministri i Kosovës po jep informacione të rreme për seriozitetin e synimeve të SHBA-së. PDK vlerëson punën e Ambasadorit Grennell për të arritur një marrëveshje përfundimtare ndërmjet Kosovës dhe Serbisë dhe është e përkushtuar në përpjekjet e SHBA-së për paqen në Ballkan”.

I am shocked that the Kosovo Prime Minister is giving false information about the seriousness of US intentions! PDK appreciates the work of Ambassador @RichardGrenell to reach a final agreement b/w #Kosovo and #Serbia and is committed to US efforts for peace in #WesternBalkans.

— Kadri Veseli (@KadriVeseliKS) March 5, 2020