Ka vdekur Ajshe Bruqi, nëna e heroit Kosovar, Rrustem Bruqit nga fshati Isniq i Deçanit, transmeton Gazeta Metro.
Lajmi për vdekjen e të ndjerës e ka bërë të ditur kryeministri në largim, Ramush Haradinaj me anë të një postimi në Facebook. Haradinaj ka shprehur dhimbjen për vdekjen e Ajshe Bruqit, për të cilën tha se e lindi dhe e edukoi heroin e Kosovës, Rrustem Bruqin. “Sapo morëm lajmin e ndarjes nga jeta të zonjës Ajshe Bruqi. Nëna Ajshe lindi dhe edukoi Heroin e Kosovës Rrustem Bruqi. Ndajmë dhembjen me familjarët dhe bashkëluftetarët. I qoftë i lehtë dheu i Kosovës!”, ka shkruar Haradinaj në Facebook. /gazetametro.net