Policia e Kosovës ka bërë të ditur se gjatë ditës së djeshme në Lipjan një person ka vdekur, derisa ishte vërejtur në veturën e tij nga policia, shkruan Gazeta Metro.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Sipas raportit të Policisë, dje rreth orës 17, një person mashkull ka vdekur në Lipjan, pasi që i njëjti derisa ishte në veturën e tij është vërejtur nga policia në gjendje të rëndë shëndetësore dhe ishte dërguar me autoambulancë në QKUK.
Vdekjen e viktimës e ka konfirmuar ekipi mjekësor dhe trupi i të ndjerit është dërguar për në obduksion.
Raporti i plotë i Policisë së Kosovës:
Rr. Avdi Kelmendi, Lipjan 25.10.2019-16:58. Është raportuar se viktima mashkull K/Shqiptar ka ndërruar jetë, pasi që i njëjti derisa ishte në veturën e tij është vërejtur nga policia në gjendje të rëndë shëndetësore dhe ishte dërguar me autoambulancë në QKUK. Vdekje e tij e ka konstatuar ekipi mjekësor. Me vendim të prokurorit trupi i pajetë është dërguar në IML për obduksion./gazetametro.net
