Vajza e Tërnavës i lutet Zotit t’ia mundësojë të falet në xhaminë e re në Prishtinë

Sot është mbajtur një protestë në Prishtinë kundër ndërtimit të xhamisë së Madhe në lagjen “Dardania” në Prishtinë, e thirrur nga ish-ushtari i UÇK-së, Binak Gashi.

Kundër ndërtimit të kësaj xhamie është shprehur edhe një banore e kësaj lagjeje që ka paralajmëruar organizim të protestave.

Por Rafiqe Tërnava, vajza e myftiut Naim Tërnava e ka mbështetur fuqishëm ndërtimin e xhamisë, duke e vlerësuar si të domosdoshme, kurse projektin të mrekullueshëm, shkruan Reporteri.net

“O Zot na jep jetë të falemi në të 🤲🏼E mrekullueshme dhe e domosdoshme”, ka shkruar Refiqe Tërnava në Facebook.