Ukraina paraqet hartën e Kosovës të ndarë nga Serbia

Faqja zyrtare e Ministrisë së Jashtme të Ukrainës, ka postuar një hartë të shteteve të botës që mbështetësin Ukrainën, ndërsa e veçanta e kësaj është se shteti i Kosovës gjendet i ndarë nga Serbia.

Në videon e shpërndarë nga faqja zyrtare në Twitter, Ministria e Jashtme Ukrainase, në hartën ku paraqet shtetet e botës që po mbështesin Ukrainën gjendet edhe harta e Kosovës e ndarë nga Serbia.

Duhet theksuar se Ukraina nuk e njeh pavarësinë e Kosovës dhe e konsideron si pjesë të Serbisë, ndërsa nuk dihet se si do jetë qëndrimi i tyre pas përfundimit të luftës atje.

Kosova ka mbështetur sovranitetin e Ukrainës, gjithashtu i është bashkuar botës perëndimore kundër agresionit rus në Ukrainë.

Më poshtë mund ta shikoni videon./gazetametro.net

World supports Ukraine 🇺🇦#StandWithUkraine#StopRussianAgression pic.twitter.com/wBDzPE909g

— MFA of Ukraine 🇺🇦 (@MFA_Ukraine) March 1, 2022