Trepça do të ketë një sfidë të madhe ndaj Prishtinës në ndeshjen e tretë të playoff-it të gjysmëfinaleve të Prince Caffe Superligës së Kosovës në basketboll.
Ndeshja do të zhvillohet në palestrën “Minatori”, të dielën duke filluar nga ora 19:00.
Mitrovicasit janë duke udhëhequr serinë 2-0, dhe me një fitore eventuale do ta siguronin finalen.
Në lidhje me këtë ndeshje, Trepça me anë të një videoje të publikuar ka kërkuar mbështetje massive.
Megjithatë, klubi mitrovicas u ka bërë thirrje tifozëve që të mos fyejnë dhe të mos gjuajnë në parket.
“Ne, kemi nevojë për mbështetjen tuaj. Për Mitrovicën”.
“Për tifozët Për krenari e mburrje. Hajde në “Minatori”, shtëpinë tënde. Bërtit, shteru, ano. Mos gjuaj, mos fyej. Për TREPÇËN KAMPIONE…”.