Presidenti i Kosovës, Hashim Thaçi në një konferencë për media ka uruar Avdullah Hotin për marrjen e detyrës së kryeministrit.
Thaçi ka thënë se sot u vendos edhe një gur tjetër në themelet e shtetësisë e demokracisë së Kosovës, shkruan Reporteri.
Ai ka kërkuar nga Qeveria e re që sa më parë të fillojë punën në sfidat që e presin Kosovën.
Në këtë adresim për media, Thaçi ka folur edhe për ish-kryeministrin Albin Kurti nga i cili ka kërkuar që të lirojë, siç ka thënë “zyret e uzurpuara”.
“Uroj deputetët për votimin e Qeverisë së re. Si president uroj për përgjegjësinë institucionale që treguan deputetët. Sot u vendos edhe një gur tjetër në themelet e shtetësisë dhe demokracisë së Kosovës. Presim nga Qeveria që të vazhdojë reformat në ekonomi. Kërkohet nga Kurti që të heqë dorë nga barrikadimi dhe uzurpimi i zyreve”, u shpreh ndër të tjera Thaçi. /Reporteri.net