Ish-deputetja e LDK’së, Melihate Tërmkolli, ka thënë se deputetja e VV’së, Albulena Haxhiu është niveli më i lartë i absurditetit pasi mendon se mund ta dërgojë në burg dikë, shkruan Gazeta Metro.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Tërmkolli ka reaguar pas deklaratës së Haxhiut në një emision, ku tha se do të dërgojë në burg disa politikanë nëse bëhet Ministre e drejtësisë, duke përfshirë këtu edhe kryeministrin në detyrë, Ramush Haradinaj.
“E keni dëgjuar mbrëmë Albulena Haxhiun, është niveli më i lartë i një absurditeti. Një politikan që duket sikur do të dalë nga studio ta çojë Ramushin në burg… Kush je ti? Kjo nuk është detyrë e politikanit, ta burgosë dikë”, është shprehur Tërmkolli në Pressing. Ajo tutje ka thënë se VV nuk është fituese absolute e zgjedhjeve, pasi si e tillë po sillet me LDK’në./gazetametro.net
