Temperaturat shënojnë ngritje sot, ky është parashikimi i motit

Sot parashikohet të mbajë mot me vranësira të shpeshta dhe mundësi për mjegull në orët e mëngjesit.

Mund të ketë edhe ndonjë reshje të izoluar shiu në jugperëndim të vendit, ndërsa gjatë ditës mot kryesisht me diell, njofton Meteo Kosova.

Era do të fryjë drejtimesh të ndryshme por më dominues nga jugperëndimi, e cila kohë pas kohe pritet të jetë e fuqishme në rajonin e Gjakovës, me shpejtësi prej 15-47 km/h.

Temperaturat do të shënojnë ngritje, me minimale që do të lëvizin prej 0 deri në 5°C, ndërsa ato maksimale prej 11 deri në 16°C.