Kryeministri në dorëheqje, Albin Kurti, ka bërë deklarimin vjetor të pasurisë pranë Agjencisë për Parandalimin e Korrupsionit.
Nga deklarimi i dorëzuar në mars del se bashkëshortja e tij ka dyfish më shumë të hyra vjetore sesa ai.
Sipas regjistrit të publikuar nga APK-ja, te pasuritë e luajtshme Kurti ka deklaruar banesën e bashkëshortes në vlerë 400 mijë euro. Në emër të tij ai s’ka ndonjë pronë.
Aty përmendet edhe kredia në vlerë 170 mijë euro që ka bashkëshortja e tij për blerjen e apartamentit. Kjo është shuma e mbetur nga vlera totale e kredisë 270 mijë euro.
Te kjo pjesë përmendet edhe qiraja që paguan Kurti për shtëpinë ku jeton, e që është në vlerë 250 euro.
Si të hyra vjetore, ai ka deklaruar 20 mijë e 278 euro që merr si pagë si kryeministër.
Ndërkohë, bashkëshortja e tij merr 44 mijë e 100 euro në vit.
Si para të gatshme, ai ka deklaruar 1 mijë e 800 euro në emër të tij, 15 mijë e 500 euro në emër të bashkëshortes dhe 70 euro në emër të vajzës.
