Ambasadori gjerman në Kosovë, Jorn Rohde ka thënë se fillimi i sulmeve ajrore të NATO-s, 25 vite më parë, nuk është shkak për festë.
Në një reagim në platformën “X”, ambasadori gjerman thotë se NATO bëri atë që ishte e nevojshme, me qëllim parandalimin e gjakderdhjeve dhe mizoritë e mëtejshe nga regjimi i Millosheviqit në Kosovë.
Tutje Rohde shkruan se ishte përgjegjësi morale dhe edhe sot i qëndrojnë atij vendimi.
“Përvjetori i fillimit të sulmeve ajrore të NATO-s 25 vjet më parë nuk është shkak për festë. Ne bëmë atë që ishte e nevojshme për të parandaluar gjakderdhjet dhe mizoritë e mëtejshme nga regjimi i Millosheviqit në Kosovë pasi diplomacia dështoi. Ishte përgjegjësia jonë morale dhe ne i qëndrojmë atij vendimi”, ka shkruar Rohde në “X”.
The anniversary of the start of @NATO Op „Allied Force“ 25 yrs ago is no cause for celebration. We did what was necessary to prevent further bloodshed & atrocities by Milosevic’s regime in Kosovo after diplomacy failed. It was our moral responsibility & we stand by that decision
— Ambassador Jörn Rohde (@GermanAmbKOS) March 24, 2024
