Sonte (e hënë), do të vazhdojë ndeshja mes Trepçës dhe Prishtinës në hendboll, ndeshje e cila ishte ndërprerë të shtunën.
Sonte prej orës 19:00 vazhdon ndeshja në mes të Trepçës dhe Prishtinës, që ishte ndërprerë të shtunën.
Ndeshja e xhiros së 18’të të Superligës së meshkujve ishte ndërprerë për shkak të lëndimit të rëndë të dy lojtarëve të Trepçës, nga një përplasje mes tyre.
Me pajtimin e dy klubeve, komesari i garave ka vendosur që ndeshja të vazhdoj sonte, aty ku kishte mbetur të shtunën, njofton FHK. Të shtunën është luajtur deri në minutën e 11’të, ndërsa rezultati në momentin e ndërprerjes ishte 5:2 në të mirë të Prishtinës. /gazetametro.net
