S’ka hapësirë për panik, mullisët thonë se ka mjaftueshëm miell në Kosovë

Shoqata e Mullisëve të Kosovës ka takuar sot kryeministrin Albin Kurti, pak orë pas mbajtjes së mbledhjes së Qeverisë së Kosovës.

Mullisët, kanë bërë thirrje për të mos përhapur panik.

Shoqata ka thënë se ka mjaftueshëm miell për të paktën tre muajt e ardhshëm.

Kryetari i Shoqatës, Bashkim Zejnullahu, ka thënë se sa për çmime do të ndjekin berzën ndërkombëtare.

Blerja dhe krijimi i rezervave të produkteve ushqimore është një dukuri që po manifeston frikën dhe panikun e krijuar te disa qytetarë të Kosovës pas nisjes së pushtimit të Ukrainës nga Rusia.

Mielli dhe vaji duket se janë produkti më i kërkuar.

Kohëve të fundit, vitrinat e disa dyqaneve ku shitet mielli ishin të zbrazura./Reporteri.net