Policia e Kosovës po vazhdon me aksione për respektim të masave të reja, ku dje gjatë ditë ka ndaluar një dasëm në Prizren, shkruan Gazeta Metro.
Nga fotografitë e publikuara nga vetë faqja zyrtare e policisë, shihet se ata kanë nxjerrë jashtë surlaxhinjtë dhe tupanxhinjtë.
Njoftimi i Policisë:
Njësitet policore në rajonin e Prizrenit, të përkushtuar në zbatim të masave Anti Covid-19, në zbatim të planit operativ si dhe ndërmarrjen e masave ndaj atyre që nuk i respektojnë vendimet e marra nga institucionet e vendit.
Njësitet policore, në fshatin Bellobrad të Dragashit kanë intervenuar në një aheng familjar, organizatorit i është shqiptuar fletëparaqitja, kurse të pranishmit janë shpërndarë./gazetametro.net