Sipas një hulumtimi të Agjencisë së Kombeve të Bashkuara për Zhvillim, në shtatë komunat me popullatë të përzier 88 për qind e të anketuarve janë deklaruar se e duan pajtimin shqiptaro-serb, përveç në komunën veriore të Mitrovicës, ku 60 për qind e të anketuarve janë shprehur se pajtimi nuk është i domosdoshëm, shkruan Zeri.
Pajtimi në Kosovë është i domosdoshëm, ka dominuar si konkluzion i një hulumtimi që e ka kryer Agjencia e Kombeve të Bashkuara për Zhvillim në shtatë komuna të Kosovës, në të cilat jetojnë me shumë etnitete, pasi që rreth 88 për qind e të anketuarve janë përgjigjur në atë mënyrë. Ndonëse për Agjencinë ky është një tregues i mirë i gatishmërisë për t’u pajtuar, shifrat tjera tregojnë ndryshe, siç është rasti me qytetarët e Mitrovicës së Veriut, që mendojnë se deri te pajtimi nuk është domosdoshme të vijë.
