Shtatë persona kanë mbetur të lënduar si pasojë e një aksidenti trafiku që ka ndodhur sot në magjistralen Mitrovicë-Prishtinë, shkruan Gazeta Metro.
Lajmin për Gazetën Metro e ka konfirmuar zëdhënësi i policisë për Rajonin e Mitrovicës, Avni Zahiti.
Siç bën të ditur Zahiti, ky aksident ka ndodhur në segmentin rrugor fshati Debërllukë, ku personat e lënduar kanë kërkuar tretman mjekësor.
‘Një aksident trafiku me të lënduar ka ndodhur sot rreth orës 14:00, në rrugën nacionale Mitrovicë-Prishtinë segmenti rrugor fshati Debërllukë. Në aksident ishin të përfshira dy vetura civile, ku si pasojë e lëndimeve të pësuara shtatë persona kanë kërkuar tretman mjekësor’, ka thënë Zahiti për Gazetën Metro.
Gjatë pasdites së sotme ka ndodhur edhe një aksident trafiku në Istog, si pasojë e së cilit mbetën të lënduar pesë persona. /gazetametro.net
