Shpend Ahmeti gjobitet nga policia duke festuar ditëlindjen në hapësirë private

Kryetari i Komunës së Prishtinës, Shpend Ahmeti është gjobitur nga policia gjatë natës së mbrëmshme pasi kishte mbledhur rreth 15 persona familjarë për ta festuar ditëlindjen e tij.

Ahmeti thotë se ka kërkuar nga policia e Kosovës dhe AUVK-ja që të dënohen sipas ligjit në fuqi, ndërsa thotë së sipas policisë dikush e kishte lajmëruar atë.

Ky është postimi i tij i plotë:

Mbrëmë kam festuar ditelindjen me familje në një hapësirë private – jo biznis – ku kemi qenë rreth 15 persona prej të cilëve gjysma familjarë (në mes tyre bashkëshortja dhe fëmijët). Ende pa filluar dhe rreth orës 20 (dy orë para orës policore) kanë ardh tre kerre të policisë dhe 2 të Avuk të cilët më kanë thënë se dikush ka lajmëruar dasëm…🤷🏻‍♂️

U çudita se si pa nisur ende një mbledhi familjare në hapësirë private, dikush paska lajmëruar “dasëm”.

Unë kërkova që të gjobitemi sipas ligjit. Unë dhe mysafirët u dënuam me gjoba për mosmbajtje të distancës dhe maskave. Nga 35 euro.

Në këso rrethanash dhe pa hyrë në konspiracione, me sinqeritetin më të madh e falënderoj Policinë e Kosovës dhe AVUK për sjellje profesionale gjatë vizitës.

Mua mbledhia private më kushtoi më shtrenjtë, por rregullat vlejnë edhe për kryetarin pa marr parasysh se a pajtohem me masat apo jo.

P.s. Kjo ishte mënyrë e mirë me tregu se sot kam ditëlindjen.