Situata me virusin SARS CoV-2 në Kosovë është rënduar shumë ditëve të fundit.
Në baza ditore po konfirmohen mijëra raste të reja pozitive me coronavirus dhe një numër i lartë i rasteve të vdekjes.
Vetëm ditën e shtunë në Kosovë janë regjistruar 18 viktima nga COVID-19, teksa janë konfirmuar 1 mijë e 891 raste të reja pozitive.
Në total numri i rasteve aktive me coronavirus ka shkuar në 25.797.
Në fund të muajit mars ka filluar edhe procesi i vaksinimit, ku deri më tash në të gjitha qytetet e Kosovës janë dhënë 794.812 doza të vaksinës.
Nga ta, 267.979 janë vaksinuar me dozën e dytë.