Trajneri kosovar i xhudos, Driton Kuka, ka uruar Shqipërinë me rastin e fitimit të dy medaljeve olimpike në Lojërat Olimpike ‘Paris 2024’.
Në një postim në rrjetin social Facebook, Kuka ka thënë se ky është shekulli i popullit shqiptar, pasi përveç Shqipërisë edhe Kosova ka fituar dy medalje në Paris, duke çuar në pesë numrin e medaljeve olimpike.
“Shqipëria dy medalje olimpike. Shteti ynë amë fitoj medalje olimpike, dy të bronzta. Gëzuar e urime… Kosova me dy medaljet e Parisit tashmë plot pesë copa”.
“Shekulli i popullit shqiptar”, ka shkruar trajneri më i suksesshëm në historinë e sportit mbarëshqiptar, Driton Kuka.
Ndryshe, Shqipëria ka arritur t’i fitoj dy medaljet e para olimpike në historinë e saj.
Kuqezinjtë kanë triumfuar në sportin e mundjes, derisa kanë marrë dy medalje të bronzta.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
