SHBA edhe një herë i ka dhënë ndihmë Kosovës në përballjen me koronavirusin, shkruan Gazeta Metro.
Kjo u bë e ditur përmes një njoftimi në rrjetin social Facebook, nga ministri i Shëndetësisë, Armend Zemaj.
“Përmes misioneve të saja civile dhe ushtarake, ShBA-ja na ka dhuruar pajisje të ndryshme si respiratorë̈, pajisje termo-skanerë, pajisje mbrojtëse profesionale për personelin shëndetësor po edhe ndihma të tjera.”, ka shkruar ai.
Postimi i plotë i Zemajt:
Shtetet e Bashkuara të Amerikës vazhdojnë ta mbështesin shëndetësinë e vendit tonë. Donacioni i radhës janë pajisje mbështetëse për oksigjen dhe plotëson kërkesën e parashtruar nga Shërbimi Spitalor Klinik dhe Universitar i Kosovës.
Bashkë me Kolonel, Stephen A. Rose dhe Major, Courtney Olson morëm pjesë në pranim-dorëzimin e këtij donacioni.
Përmes misioneve të saja civile dhe ushtarake, ShBA-ja na ka dhuruar pajisje të ndryshme si respiratorë̈, pajisje termo-skanerë, pajisje mbrojtëse profesionale për personelin shëndetësor po edhe ndihma të tjera.
Kosova është e bekuar me miqësinë e Amerikës. Ju faleminderit, Kolonel Rose! Ju faleminderit, Major Olson!./gazetametro.net