Shala: Njerëzit në Kosovë po konvertohen në fe të tjera për të marrë letrat në Francë

Historiani Azdren Shala ka denoncuar një fenomen të fundit në Kosovë, ku disa individë po konvertohen në fe të tjera për të siguruar letrat në Francë, duke pretenduar se janë të përsekutuar nga myslimanët.

Sipas Shalës, i cili foli në emisionin “Kosova Today” në Klan Kosova, disa organizata të fesë krishtere, përfshirë ato protestante dhe katolike, ofrojnë mundësinë për të marrë një çertifikatë që vërteton konvertimin, për një shumë prej 500 eurosh.

Shala thekson se ky fenomen ka për qëllim të manipulojë sistemin dhe të lehtësojë marrjen e lejeve të qëndrimit në Francë dhe në Evropë, duke përdorur si justifikim pretendimin për përndjekje nga komuniteti mysliman.