Ish-kryetari i AAK-së, Ramush Haradinaj, tha se kjo parti nuk do të jetë dhe nuk ka interesim për t’u bërë pjesë e Qeverisë Kurti.
“Ne sjemi të interesuar me u bë pjesë e Qeverisë Kurti, nuk ka AAK kësi andrrash”, tha Haradinaj në T7.
“Ai ndoshta e do LDK-në vetëm si materiale për kontroll total”, tha Haradinaj.
Haradinaj, tha se kryeministri në detyrë, Albin Kurti, “po e lodhë Kosovën duke mos i krijuar institucionet”.
“Është një lloj torture, përpos atyre 100 eurove duhet me i jap zgjidhje qytetarëve të Kosovës, qysh me pas zhvillim, me prodhu Kosova energji…”, tha Haradinaj.
Tutje Haradinaj tha se po të vazhdohej marrëdhënia e mirë me Amerikën, armatimin “10 herë më shumë do ta merrnim pa para”.
“E kam dëgju Kurtin duke thënë sa para po blejmë armatim, sikur ta vazhdonim marrëdhënien me Amerikën, 10 herë më shumë sasi armatimi pa para do merrnim”, u shpreh ai.
