QKUK-ja e stërngarkuar: 901 kosovarë të shtrirë nga COVID-i, 13 në gjendje të rëndë

Spitalet e Kosovës janë mbushur me të prekur nga COVID-19.

Në Qendren Klinike dhe Universitare të Kosovës, aktualisht po trajtohen 901 pacientë me koronavirus.

Sipas njoftimit nga Ministria e Shëndetësisë, 13 nga ata janë me respiratorë.

Ndërkaq 632 po trajtohen me oksigjeno-terapi.

Vetëm gjatë 24 orëve të fundit siç njofton Instituti Kombëtar i Shëndetësisë Publike në Kosovë janë regjistruar 609 raste të reja me koronavirus dhe 13 viktima.

Kurse në spitale të tjera në Kosovë po trajtohen 618 pacientë.