Qeveria miraton vendimin për emërimin e Bordit të përkohshëm të Trepçës

Ashtu siç ka paralajmëruar Gazeta Online Veriu.Info, Qeveria e Kosovës, sot, ka emëruar Bordin e Përkohshëm të Trepçës.

Ministrja e Ekonomisë, Punësimit, Tregtisë Industrisë, Ndërmarrësisë dhe Investimeve Strategjike Rozeta Hajdari ka propozuar në mbledhjen e sotme që qeveria të marrë vendim për emërimin një bordi të përkohshëm mbikqyrës për ndërmarrjen publike qëndrore Trepça sh.a. Ministrja Hajdari ka propozuar që 4 drejtorë të përkohshëm, tre nga ta përfaqësues të qeverisë dhe një drejtor përfaqësues i punëtorëve të përbëjnë bordin e përkohshëm mbikqyrës

“I propozoj qeverisë të emërojë një bord të përkohshëm mbikqyrës duke u bazuar në ligjin për Trepcën dhe në ligjin për ndërmarrjet publike, Sylejman Hyseni drejtor ,Bahri Hyseni, Shyqeri Kelmendi drejtor dhe Shyqeri Sadiku”, ka propozuar Ministrja.