Qeveria e Kosovës ka mbajtur sot mbledhje elektronike, ku ka marrë tri vendime.
Në njoftimin e ZKM’së thuhet se vendimi i parë që është marrë është ai me të cilin shtohet lista e mallrave në Aneksin A të Ligjit Nr. 03/L-220 për Ndryshimin dhe Plotësimin e Ligjit Nr. 03/L-112 për Tatim e Normës së Akcizës në Kosovë.
Vendimi tjetër është ai për aprovimin e Listës së anëtarëve potencial të Komisionit Shtetëror të Pranimit për Kategorinë e Lartë Drejtuese.
Vendimi i tretë është miratimi në parim Nisma për “Amendamentin Nr. 2. të Marrëveshjes Financiare në mes të Republikës së Kosovës dhe Bashkimit Evropian për programin IPA 2019, pjesa e parë”.