Në mbledhjen e sotme të Qeverisë së Kosovës , ministrja e Punëve të Jashtme të vendit, Donika Gërvalla ka propozuar propozim vendimin që Kosova të dërgojë ndihma humanitare në Ukrainë.
MPJD ka propozuar vendimin për ndarjen e mjeteve buxhetore në vlerë 100 mijë euro në emër të dërgimit të kontingjentit të parë të ndihmave nga Kosova për popullin e Ukrainës.
Ky propozim-vendim është miratuar pa asnjë votë kundër apo abstenim.
Ndryshe pak më parë, Qeveria e Kosovës ka marrë vendim që të u ofroj mbrojtje dhe kushte për punë dhe mbrojtje 20 gazetarëve dhe familjarëve të tyre të ngushtë.
Ministri i Punëve të Brendshme, Xhelal Sfeçla u shpreh se kjo është obligim moral që Kosova ka ndaj këtyre personave që janë të rrezikuar.
Ai tha se me këtë vendim u ofrohet mbrojtje e plotë institucionale.“Propozoj propozim-vendimin për mbrojtje të përkohshme dhe të menjëhershme për 20 gazetarë ukrainas dhe familjeve të tyre. Ky propozim-vendim u hap rrugë 20 gazetarëve për të qëndruar përkohësisht në Kosovë dhe për të ushtruar profesionin e tyre”, tha ministri Sveçla.
Kabineti qeveritar e miratoi këtë propozim-vendim me shumicë të votave./Lajmi.net/
