Pse janë të gjithë njerëzit të dobët në fotografitë e vjetra nga plazhi

Pothuajse çdo verë, fotot e vjetra të plazheve të viteve 1970 dhe 1980 rishfaqen në rrjetet sociale.

Në ato skena të lumtura verore, shumë vënë re të njëjtën gjë: Të gjithë duken shumë të dobët, transmeton Reporteri.net.

Si ndodhi që të gjithë të ishin të dobët?

Në fakt, autori dhe kolumnisti George Monbiot kreu kërkime për të gjetur përgjigjen.

Ai zbuloi se njerëzit në të vërtetë hanin më shumë në vitet 1970 sesa tani.

Por, ka një ndryshim të rëndësishëm: ai zbuloi se njerëzit sot hanë më shumë sheqer, i cili gjendet në shumë produkte.

A British beach in the 70s. How badly has the food industry served us. Look, not one overweight person. pic.twitter.com/TslIrTN2J1

— Eric The Grim (@EricTheGrim2) June 17, 2022

Në të kaluarën hanim më shumë, por ndryshe.

Sot, për person, blejmë gjysmën e qumështit të freskët, por pesë herë më shumë kos, tre herë më shumë akullore dhe madje 39 herë më shumë ëmbëlsira qumështore, tregoi hulumtimi i tij.

“Ndërrimi nuk ka ndodhur rastësisht. Siç argumentoi Jacques Peretti në filmin e tij “The Men Who Made Us Fat”, kompanitë ushqimore kanë investuar shumë në dizajnimin e produkteve që përdorin sheqerin për të anashkaluar mekanizmat tanë natyrorë të kontrollit të oreksit, si dhe në paketimin dhe promovimin e këtyre produkteve për të prishur atë që ka mbetur nga mbrojtja jonë, duke përfshirë përdorimin e aromave subkoshiente. Ata punësojnë një ushtri shkencëtarësh dhe psikologësh të ushqimit për të na mashtruar që të hamë më shumë seç kemi nevojë, ndërsa reklamuesit e tyre përdorin zbulimet më të fundit në neuroshkencë për të kapërcyer rezistencën tonë”, pohon George Monbiot.

In this photo, from 1976, almost everyone is what we would now call slim. So what has happened? A sudden loss of willpower, as some rightwing journos claim? No. An obesogenic environment created by junk food manufacturers and their advertisers. pic.twitter.com/DmzxsD5VLz

— George Monbiot (@GeorgeMonbiot) July 26, 2018