Pritje të gjata në pikat kufitare – Mbi 3 orë në Merdarë

Festat e fundvitit rëndom sjellin drejt Kosovës një fluks të shtuar diaspore.

Sipas të dhënave të Qendrës Kombëtare për Menaxhim Kufitar, pritjet për hyrje në pikën kufitare të Merdarës arrijnë nga 180 deri në 200 minuta, ndërsa fluks i shtuar raportohet edhe në pikën kufitare të Dheut të Bardhë, ku pritjet variojnë nga 30 deri në 40 minuta.

Në pikat e tjera kufitare të vendit, koha e pritjes është më e shkurtër, duke u luhatur nga 5 deri në 15 minuta.

Ky përditësim është bërë sot në orën 06:35.

/GazetaSinjali/