Familja Alidemaj e cila tash e 10 vjet jeton në kontejner, ka nevojë për ndihmë.
Përveç vështirësive ekonomike, Zylfije dhe Jeton Alidemaj kanë edhe probleme të shëndetit mendor, transmeton Klan Kosova.
Redaksia e Klan Kosovës ka pranuar një e-mail ku kërkohet që të raportohet për gjendjen e mjerueshme të persona në fjalë me shpresë se vullnetmirët do t’u ofrojnë ndihmë.
“Ju kisha lutur nëse mund ta publikoni, me shpresë se do t’ju ndryshojë jeta për të mirë dhe t’ju sigurohet një banim. Ndoshta ndokush prej këtyre shoqatave bamirëse iu ndihmon”.
“Kontejneri ku ata jetojnë është rreth 200 metra mbrapa Qendrës së Mjekësisë Familjare në Kodrën e Trimave, menjëherë prapa një çerdheje”.
