Presidentja Vjosa Osmani ka njoftuar se me ndihmën e ShBA-së dhe shteteve evropiane dy qytetarë të Kosovës janë evakuuar në Afganistan të cilët do të kthehen në Kosovë së shpejti.
Osmani ka shkruar se Zyra e saj dhe Ministria e Punëve të Jashtme janë duke punuar për evakuimin e sigurtë të shtetasve kosovarë që gjenden në Afganistan.
“Tash e disa kohë, Ministria e Punëve të Jashtme dhe zyra ime kanë punuar për të siguruar evakuim të sigurt të qytetarëve të Kosovës nga Kabuli. Me asistimin nga ShBA-ja dhe shtetet evropiane, dy nga qytetarët tanë janë evakuuar në një shtet të sigurt dhe do të kthehen së shpejti në shtëpi. Numri i kontaktit për të gjithë qytetarët e Republikës së Kosovës që kanë nevojë për informata për kthim nga Afganistani është: +383 (0) 45 492 316”, ka shkruar ajo.
For some time, @MFAKOSOVO and my Office have been working on ensuring the safe evacuation of 🇽🇰 citizens from Kabul. With assistance from the United States and European countries, two of our citizens were safely evacuated to a safe country & will be back home soon.
— Vjosa Osmani (@VjosaOsmaniPRKS) August 17, 2021