Presidenti e dekoron Sevdije Shyti Azemin nga Zhabari, me urdhërin “Shote Galica”

Presidenti Thaçi e ka dekoruar znj. Sevdije Azemi me “Shote Galica”, shkruan mitrovicasot.net

Znj. Azemi është dekoruar nga Presidenti për Vepra Trimërie në Luftën e Kosovës për Pavarësi.

Së bashku me disa gra, znj. Sevdije Azemi në vitin 1989 kishte organizuar protestë kundër suprimimit të autonomisë së Kosovës.

Për shkak të kësaj, ajo ishte arrestuar e torturuar psiqikisht e fizikisht pasi autoritetet serbe kishin ushtruar dhunë fizike ndaj saj. Pas kësaj ajo ishte dënuar me 11 muaj e 1 javë burgim, me akuzën se kishte pasur tendenca që ta prish “vllaznimbashkimin”, që e “promovonte” Jugosllavia.