Policia në Mitrovicë Jugu, gjatë 24 orëve të fundit ka konfiskuar dy armë zjarri.
Konfiskimi i armëve është realizuar në zonën e Mitrovicës së Jugut, ku gjatë kontrolleve të veturave, tek dy persona janë gjetur armët në lokacione dhe kohë të ndryshme. Gjithashtu me urdhër të prokurorit është realizuar edhe një kontroll në shtëpinë e njërit prej të dyshuarve.
Lidhur me armët e konfiskuara janë iniciuar rastet penale: “Armëmbajtje pa leje”, ndërsa me udhëzim të prokurorit personat janë liruar dhe të dy rastet vazhdojnë në procedurë të rregullt .
