Policia e Kosovës nis hetimet për mbishkrimet në veri të Mitrovicës

Policia e Kosovës ka njoftuar sot se ka nisur hetimet për mbishkrimet që janë shfaqur mëngjesin e sotëm në pjesën veriore të Mitrovicës.

Në Mitrovicën e Veriu të dielën, më 13 nëntor, u shfaq një mesazh i ri nga e ashtuquajtura “Brigada Veri”, përmes së cilit u bë thirrje për “rezistencë” nga 21 nëntori, kur Qeveria e Kosovës ka thënë se do të nisë gjobitjen e shoferëve që kanë targa të lëshuara nga Serbia.

Zëdhënësi i Policisë së Kosovës, Baki Kelani, ka thënë për RTK-në se policia ka ndërmarrë veprimet e nevojshme për të kryer hetime dhe për të ndërmarrë veprime të mëtutjeshme lidhur me grafitet e shkruara.