Policia e Kosovës jep detaje për plagosjen e shqiptarit në kufi me Serbinë

Policia e Kosovës ka dhënë detaje për shqiptarin që u plagos nga policia serbe, shumë afër kufirit me Kosovën.

Nga Policia kanë thënë se rasti ka ndodhur në orët e pasditës.

Ata po ashtu kanë bërë të ditur se viktima është dërguar për trajtim mjekësor në QKUK.

“Sot me datë 29.10.2019. ne orët e pasdites, Policia ka pranuar informatën për një person te plagosur me armë zjarri. Policia Kufitare menjëherë ka ndërmarr veprimet e nevojshme. Të lënduarit nga ambulanca i është dhënë ndihma e parë dhe i njëjti është transportuar për trajtim të mëtejmë mjekësor. Autoritetet kompetente policore janë në proces te realizimit të hetimeve dhe të rrethanave tjera që e karakterizojnë këtë rast”, thuhet në njoftimin e Policisë.