Policia e Kosovës ka arrestuar një person sot në Mitrovicë pasi u kishte ofruar para për të mos e dënuar për tejkalim të shpejtësisë.
“Derisa zyrtarët policorë ishin duke shqiptuar gjobën për kundërvajtjen e trafikut, i dyshuari, mashkull/shtetas i Republikës së Serbisë, u ka ofruar zyrtarëve policorë një kartëmonedhë prej 20 eurosh, me qëllim që të mos i shqiptohej gjoba.
I dyshuari është arrestuar dhe pas intervistimit, me urdhër të Prokurorit kompetent i është caktuar masa e ndalimit prej 48 orësh. Ndaj të dyshuarit është iniciuar rast për veprën penale- Dhënia e ryshfetit.” – thuhet në njoftim.
Njoftimi i plotë i Policisë:
Arrestohet një person i dyshuar për dhënie ryshfeti
Mitrovicë e Jugut, 08 gusht 2026
Njësia policore, gjatë mbajtjes së një pike kontrolli, ka ndaluar një automjet, drejtuesi i të cilit kishte tejkaluar shpejtësinë e lejuar.
Derisa zyrtarët policorë ishin duke shqiptuar gjobën për kundërvajtjen e trafikut, i dyshuari, mashkull/shtetas i Republikës së Serbisë, u ka ofruar zyrtarëve policorë një kartëmonedhë prej 20 eurosh, me qëllim që të mos i shqiptohej gjoba.
I dyshuari është arrestuar dhe pas intervistimit, me urdhër të Prokurorit kompetent i është caktuar masa e ndalimit prej 48 orësh. Ndaj të dyshuarit është iniciuar rast për veprën penale- Dhënia e ryshfetit.
Policia mbetet e përkushtuar në zbatimin profesional dhe të paanshëm të autorizimeve si dhe në ndërmarrjen e veprimeve ndaj çdo veprimi që cenon integritetin e zyrtarëve policorë dhe zbatimin e ligjit.