Ish-kreu i Partisë Socialiste në Vaun e Dejës, Nikolin Hubaj është plagosur me armë zjarri.
Ngjarja ka ndodhur paraditen e sotme, në afërsi të Shkollës Pyjore, ku 54-vjeçari ka marrë dy plumba në këmbë, teksa ndodhej jashtë makinës së tij.
Policia ka njoftuar pas ngjarjes se 54-vjeçari ndodhet në spital, por jashtë rrezikut për jetën, ndërsa shtoi se ka nisur krehja e zonës për kapjen e autorit.
Ndërkohë që pasi ka dalë nga salla e operacionit, Hubaj ka bërë me dije se nuk ka asnjë konflikt, duke shtuar se nuk i ka parë autorët pasi mbanin në kokë skafandra.