Rastet e grabitjeve e të vjedhjeve po vazhdojnë të rriten, ndërkohë që siguria për të lëvizur edhe në hapësirat publike po rrezikohet. Ndër rastet e shpeshta janë grabitjet e punëtorëve të postave të shpejta, të cilët përballen me hajnat teksa kryejnë punën e tyre. raporton Gazeta Sinjali.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Një rast i tillë ka ndodhur mbrëmë në Zhabar të Mitrovicës, ku një shofer i postës së shpejtë ‘Beki’, është përballur me dy persona të maskuar.
Burimet e Sinjalit njoftojnë se të dyshuarit nën kërcënimin e armës kanë plaçkitur 25-vjeçarin dhe më pas janë larguar në drejtim të panjohur.
Viktima ka kërkuar ndihmën e Policisë, ku gjatë dëshmisë së tij ka bërë me dije se hajnat i kanë marrë pazarin ditor i cili kapte vlerën e rreth 6 mijë eurove.
Njësitë policore kanë dalë në vendin e ngjarjes dhe kanë kryer ekzaminimet e nevojshme që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Grabitje’, ndërsa veprimet tjera ligjore do merren varësisht nga zhvillimi i hetimeve.
/GazetaSinjali/
