Pasuria e Memli Krasniqit dhe numri i konsiderueshëm i kriptovalutave të deklaruara

Kryetari i Partisë Demokratike të Kosovës, Memli Krasniqi ka bërë deklarimin e tij të pasurisë në Agjencinë për Parandalimin e Korrupsionit.

Krasniqi ka deklaruar se posedon një banesë e cila është në emër të tij, vlera e të cilës është rreth 120 mijë euro dhe një shtëpi për të cilën ka thënë se është e përbashkët me familjarët.

Te pasuria e paluajtshme, ai ka deklaruar deri në vlerën 18 mijë euro se ka disa vepra arti dhe libra.

Po ashtu, Krasniqi ka deklaruar se bashkëshortja e tij posedon një veturë në vlerë rreth 21 mijë euro.

Kreu i PDK-së, ka deklaruar edhe posedimin një numri të konsiderueshëm të kriptovalutave të tilla si: Bitcoin, Ether, Binance Coin, Ether Classic.