Sot ishte ditë e madhe për Vjosa Osmanin, ajo nisi ditën si kryetare e Kuvendit të Kosovës.
Në ditën e parë të marrjes së postit, Osmani mori disa kritika për një arsye, shkruan Gazeta Blic. Vjosa, largoi imazhin e presidentit Hashim Thaçi nga zyra dhe vendosi atë të Ibrahim Rugovës. Veprimin e saj e komentoi duke thënë se gjithmonë ka pasur si referencë vetëm ish-presidentin Ibrahim Rugova.
Këngëtarja, Adelina Ismaili njihet për mbështetjen e madhe që i ofron vazhdimisht kryetares së Kuvendit, Vjosa Osmanit. Edhe në këtë rast ajo e ka përkrahur në veprimin për largimin e imazhit të presidentit Thaçi. Me një postim në ‘Instagram‘, Adelina Ismaili ka shkruar: ‘E dua çdo ditë dhe më shumë ‘.
Ndryshe, Vjosa Osmani është zgjedhur kryetare e Kuvendit me 66 vota dhe ka hyrë në histori si kryeparlamentarja e parë femër në Kosovë./GazetaBlic.
