Kushte më stabile paraqiten ditën e martë në vend. Do të ketë më shumë intervale me diell. Pasdite do të ketë zhvillime të vransirave të pakta, por pa mundësi për reshje. Temperaturat gradualisht në rritje deri në 28C e 30C. Minimalet zbresin në 13C e 15C. Frynë erë veriore e verilindore e lehtë dhe mesatare 4-9m/s.
Mot më stabil, kryesisht me diell po parashihet nga dita e mërkurë. Temperaturat shënojnë një rritje të lehtë mbi vlera normale, deri në 31C e 33C, apo 35C lokalisht. Më vonë të premtën me depërtimin e një shtjelle ciklonike përgjatë Adriatikut do të ketë shtim të vransirave edhe në vend, që ditën e shtunë mund të shoqërohen me riga lokale shiu.
Temperaturat zbresin në 26C. Minimalet luhaten ndërmjet 13C e 18C. Ditën e enjtë dhe të premtë frynë erëra më të theksuara jugperëndimore, të premtën me hove deri në 20m/s (70km/h), njofton Mendimi për Motin.
