Paralajmëron Instituti Hidrometeorologjik i Kosovës: Të dielën borë në Kosovë

Gjatë ditës së diele është paralajmëruar se do të ketë borë në Kosovë.

Për këtë detaje ka dhënë Besim Aliu, nga Instituti Hidrometeorologjik.

Aliu ka thënë se një masë e ftohtë e ajrit do të ndikojë në uljen e temperaturave.

“Nuk do të jenë reshje të intensitetit të lartë, por ulja e temperaturave do të ndikojë tek pemët, pasi ato tani janë në fazën e lulëzimit dhe kjo do të ndikojë negativisht tek këto kultura”, deklaroi ai për KlanKosova.

Sipas tij, temperaturat minimale do të zbresin edhe deri në -2 e deri në -3 gradë Celsius.