Dje ministria e Industrisë e Industrisë, Ndërmarrësisë dhe Tregtisë ka reaguar se lajmi rreth largimit të investitorëve nuk është i vërtetë, ndërsa sot ka reaguar përsëri deputeti nga radhët e AKR’së, Behgjet Pacolli, duke thënë se investimi nga kompania franceze ishte miratuar nga qeveria Hoti dhe por se ishte anuluar nga qeveria Kurti.
Ministri që udhëhiqet nga Rozeta Hajdari, përmes një komunikate ka thënë se lajmi që investitorët e huaj po largohen nga Kosova nuk është i vërtetë.
E sot përmes një komenti Behgjet Pacolli, ka thënë se investimi i kompanisë franceze ishte miratuat nga qeveria Hoti, ndërsa qeveria Kurti e kishte anuluar vendimin e Hotit dhe e kishte dërguar në rishqyrtim.
Tutje ai ka thënë se gjatë kësaj kohe nuk është bërë asgjë nga qeveria Kurti dhe ky investitor kishte vendosur të tërhiqet nga Kosova.
“Ky investim i kësaj kompanie franceze ishte miratua nga Qeveria Hoti dhe Qeveria Kurti e kishte anuluar vendimin e Hotit dhe e kishte dërguar në rishqyrtim. Ndërkohë asgjë nuk kishte ndodhur dhe kjo ndërmarrje kishte vendosur të tërhiqej nga Kosova”. ka shkruar Pacolli.
