Në vazhdën e dërgimit të ndihmave drejt Shqipërisë për familjet që mbetën në qiell të hapur pas tërmetit edhe nxënësit e gjimnazit “Frang Bardhi” në Mitrovicë ndërmorën aksion për mbledhjen e të hollave dhe blerjen e gjërave ushqimore dhe higjienike. Komuna, grupe të ndryshme tifozësh dhe qytetarësh nga mbarë Kosova edhe gjatë ditës së sotme kanë organizuar mbledhjen e ndihmave, njofton Klan Kosova.
Ndërkohë në rajonin e Durrësit janë shfaqur edhe kërkesa për ndihmë pasi një numër i madh qytetarësh kanë lëshuar ndërtesat dhe janë strehuar në tenda në stadium dhe sheshe.
