Në mesditën e të enjtes (21 prill) një grua në Mitrovicë ka raportuar në Polici se ka probleme me bashkëshortin, prej të cilit është ndarë që dy muaj.
Siç mëson Sinjali, 37-vjeçarja ka deklaruar se burri i saj e ka thirrë në telefon dhe i është drejtuar me fjalët: “Kam me të mbyt, nuk kam me të lënë të gjallë”.
I dyshuari është intervistuar dhe më pas është kontaktuar prokurori kujdestar i cili ka udhëzuar që të iniciohet rasti “Kanosje” dhe i dyshuari të lirohet.
Burimet e Gazetës Sinjali kanë bërë të ditur se rasti nuk është iniciuar deri dje për shkak të hetimeve dhe derisa është hasur personi i dyshuar që të intervistohet.
/GazetaSinjali/
