Gazetari Imer Mushkolaj ka reaguar ndaj kritikave në drejtim të një skeçi që ka bërë humoristi Vedat Bajrami e ku kishte në qendër të humorit ish-komandantët e UÇK’së që janë duke u gjykuar në Hagë.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Mushkolaj ka thënë se është vetëm humor, dhe si i tillë humori nuk duhet trajtuar si krim.
“Humor, motra dhe vllazën, humor. Humori nuk është krim, qoftë edhe humor i zi. Merrne veten me t’mirë”, ka shkruar Mushkolaj.
Ndryshe, përmes kësaj video humoristi Bajrami, ka thumbuar politikanët kosovarë që në urimet e tyre për nder të 14-vjetorit të Pavarësisë së Kosovës nuk i kanë përmendur ish-krerët e UÇK-së të cilët ndodhen në Hagë.
Bajrami në rolin e ish-kryetarit të kuvendit Jakup Krasniqi i cili nodhet në Hagë, ka ironizuar me politikanët duke thënë se politikanët po gëzohen për ndodhjen e tyre në Hagë duke mos pasur edhe guxim për t’i përmendur në 14-vjetorin e Pavarësisë.
Ka pasur reagime të shumta ndaj një skeçi të realizuar nga komedianit Vedat Bajrami, madje edhe vajza e Jakup Krasniqit, e cila e ka quajtur si ‘turpi më i madh që dikush mund të na dhuronte për pavarësi’.
Ndërsa Nënkryetarja e Partisë Demokratike të Kosovës, Vlora Çitaku, i doli në mbrojtje komedianit Bajrami duke thënë se ndoshta e ka pasur pa të keq këtë humor.
