Analisti Imer Mushkolaj i ka reaguar deputetes së LDK-së, Hykmete Bajrami, e cila kërkoi zbardhjen e vrasjes së trefishtë në Gllogjan të Deçanit, analisti ka thënë se edhe në kohën sa ajo ishte ministre janë vjedhur 2 milionë euro dhe as ky krim nuk është zbardhur.
Mushkolaj ka thënë se me pas qenë në vendin e Bajramit nuk do ta kishte çelur gojën fare.
“Me pasë qenë në vend të kësaj zonjës gojën s’e kisha çelë. Hiç. 2 milionë euro janë vjedhë nga Thesari në kohën e saj ministre. Tash mban ligjëratë, por krimi i 2 milionëve nuk është zbardhur”, ka shkruar Mushkolaj.
Deputetja e Lidhjes Demokratike të Kosovës, Hykmete Bajrami, ka thënë se për zbardhjen e krimit në Gllogjan të Deçanit duhet të kërkohet ndihmë nga ndërkombëtarët, në rend të parë te institucionet e sigurisë amerikane.
Këtë reagim Bajrami e ka bërë pasi autori apo autorët e vrasjes së trefishtë në Gllogjan të Deçanit ndodhen akoma në arrati.