Kreu i Lëvizjes për Bashkim, Valon Murati, ka folur për dialogun Kosovë-Serbi. Sipas tij, mund të ketë një rikthim në tavolinë të idesë së shkëmbimit të territoreve në mes të Kosovës dhe Serbisë.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Murati thotë se i pëlqen ideja e ripërcaktimit të kufijve dhe sipas tij është e vetmja zgjidhje politike që zgjidh mospajtimet mes dy shteteve.
“Mund të rikthehet edhe opsioni i ripërcaktimit të kufijve. një ide që më pëlqen mua. Ne konsiderojmë që është zgjidhja e vetme politike, që zgjidh problemin Kosovë-Serbi”, ka thënë Murati në T7.
Ai ka shtuar tutje se asnjë zgjidhje s’është e lehtë dhe ka theksuar se Kosova është vonuar në dialogun e lehtësuar nga BE-ja.
“Asnjë zgjidhje nuk është e lehtë. Ne jemi vonuar në bisedime shumë, duke mos i marrë seriozisht bisedimet”, ka shtuar tutje.
