Hekuran Murati, deputet i Vetëvendosjes tha se Vetëvendosja “edhe kështu siç janë gjërat, pa një Nënkryetar serb” të shkohet në zgjedhjen e qeverisë së Albin Kurtit për të cilat pretendojnë se i kanë votat.
“Nuk ka më rrugë tjetër. Nënkryetarët janë zgjedhur, krejt çka ka mbetur është një alternativë se si të procedohet tutje pa një Nënkryetar, që është një nga 6, ose vendi të shkojë në zgjedhje.
Pra, ne jemi të gatshëm të vazhdojmë me krijimin e Qeverisë kështu siç është, institucionet të vazhdojmë tutje. Ose të kthehemi në zgjedhje, që s’do ta dëshironim. Opozita nuk është e interesuar që ta testojnë Kurtin nëse i ka votat për qeveri, kjo është mundësia”, tha Murati.
Murati tha se “është e rëndësishme” që të konsiderohet që Kuvendi i Kosovës “është konstituuar” ose alternativa tjetër është vetëm zgjedhje të reja.
