Mos i bëni këto tetë gabime gjatë fundjavës, do ju prishin të gjithë javën

Nëse je në grupin e atyre njerëzve që mezi presin fundjavën për t’u çlodhur nga puna dhe streset e javës, natyrisht bëni edhe ju gabimet që i bëjnë pjesa më e madhe e njerëzve, transmeton Gazeta Metro.

Në vend që të ndihesh më mirë pas fundjavës dhe më energjike për nisjen e një jave të re, në fakt nëse bën këto gabime, je më e lodhur dhe më pak gati për të rinisur të hënën me energji.

Shawn Stevenson, autor i “Sleep Smarter”, tregon se: “Zakonisht, ne kemi rutinën tonë si gjatë javës, ashtu edhe në fundjavë, por përjetojmë tmerrin e së dielës në mbrëmje, sepse duhet të zgjohemi herët të hënën në mëngjes.” Dhe për t’u ndier më qetë dhe më lehtë të hënën, ai tregon se ka disa gabime që duhet t’i shmangësh.

Ja cilat janë ato:

Gabim 1: qëndron në shtrat gjatë gjithë kohës

Fundjava konsiderohet edhe koha kur do të rikuperosh gjumin e humbur, por edhe të çlodhesh nga java e ngarkuar. Megjithatë, sa më gjatë të rrish në shtrat, aq më shumë do ta ndiesh veten të lodhur dhe të këputur gjatë ditës.

Gabim 2: nuk bën ushtrime gjatë fundjavës

“Nëse nuk zgjohesh herët në mëngjes dhe nuk bën asnjë lloj aktiviteti, cikli i përgjumjes do të vazhdojë” – thotë Stevenson.

Gabim 3: pi shumë alkool

“Alkooli është armiku numër një i gjumit”, – thotë Colon, autor i librit “The Sleep Diet”. “Ka edhe benefite që vijnë nga alkooli i moderuar, por nëse do të pish pa masë, ai e ndërpret ritmin e gjumit dhe të krijon probleme me organizmin.

Gabim 4: ha shumë para se të flesh

Pastat e së dielës janë aty dhe po të tundojnë? Të hash shumë në mbrëmje është një simptomë e sigurt për rëndesën në stomak dhe kjo ndikon drejtpërdrejt në mungesën e gjumit: “Nuk do të rekomandoja të hash shumë karbohidrate në mbrëmje pikërisht për këtë arsye”, thotë Colon. Përpiqu të zvogëlosh porcionet dhe ta hash darkën rreth orës 19.00.

Gabim 5: të dielën pi kafe në orët e vona të pasdites

Nëse gjumi është çorientuar dhe shkon deri në orët e vona, kjo ndodh edhe sepse mund të pish kafe në orët e vona të së dielës. Ky është një zakon i keq, i cili të prish gjumin dhe ndikon në çrregullimin e sistemin nervor.

Gabim 6: shikon filma ose emisionet e preferuara nga krevati deri në orët e vona

Sigurisht, kjo është një mënyrë e mirë për ta shfrytëzuar të dielën, por nuk mund të ndodhë për orë e orë të tëra dhe për më tepër, shtrirë në orët e vona të natës.

Gabim 7: përdor laptopin, tabletin apo smartphone-in para se të flesh

Gjatë gjithë ditës drita që të bie në sy nga këto pajisje teknologjike eliminon melatoninën, hormoni që i jep sinjal trurit se trupi është gati për gjumë, shkruan classlifestyle. Kështu, të paktën një orë para se të flesh, duhet të heqësh dorë nga çdo lloj pajisje teknologjike.

Gabim 8: shpenzon të gjithë të dielën duke menduar për punët që të presin

OK, është tepër vonë: atëherë si i bëhet? Janë disa punë që duhen bërë në kohën e tyre, por e keqja jonë më e madhe është që më shumë humbasim kohë duke menduar se sa bëjmë gjërat që duhen bërë. Ashtu si java, edhe fundjava duhet organizuar në mënyrë të tillë që e hëna, e marta dhe të gjitha ditët e tjera t’i kenë punët të ndara. Organizohu pak më shumë!