Mitrovicasi i dorëzon në Policinë e Kosovës 1400 euro të falsifikuara, thotë se i kishte tërhequr në Suedi

Policia e Kosovës ka njoftuar për një rast të parave të falsifikuara që është raportuar katër ditë më parë në Mitrovicë.

Siç njofton Policia e Kosovës, një person ka dorëzuar në stacionin policor 7 kartëmonedha nga 200 euro, të cilat sipas verifikimit në një bankë dyshohet se janë të falsifikuara.

Sipas policisë, ankuesi ka deklaruar se këtë kartëmonedha i kishte tërhequr nga një institucion mikro-financiar në Suedi.

“Rr. Marije Shllaku, Mitrovicë 06.04.2024 – 08:30. Ankuesi mashkull kosovar ka dorëzuar në stacionin policor 7-kartëmonedha nga 200 € të cilat sipas verifikimit të cilin ai e kishte kryer në një bankë, kishin rezultuar se janë të dyshuara si të falsifikuara. Ankuesi këto kartëmonedha i kishte marrë (tërhequr) nga një institucion mikro-financiar në Suedi”, thuhet në raportin policor.

Kartëmonedhat e dyshuara janë sekuestruar për ekzaminime të mëtutjeshme.

Rasti është duke u hetuar. /Reporteri.net/